टोमराज मेहता
देवानगंज । सुनसरीको देवानगंज गाउँपालिकाको सभापतिको लागि तीन जनाले उम्मेदवारी घोषणा गरेका छन् । नेपाली कांग्रेसको १४ औं महाधिवेशन अन्तरगत देवानगंज गाउँपालिकाको ७ वटै वडामा सर्वसम्मतबाट नेतृत्व चयन भएपनि पालिका स्तरमा तीन जनाले उम्मेदवारी दिने घोषणा गरेका हुन् ।
नेपाली कांग्रेसको गाउँपालिका स्तरीय अधिवेशन असोज ९ गते तय भएपछि देवानगंज गाउँपालिकाको नेतृत्वका लागि तीनजना आंकाक्षी देखिएको छ ।
वर्तमान नेपाली कांग्रेस देवानगंज गाउँपालिकाका सभापति सहदेव मेहताले पुनः सभापति पदमा उम्मेदवारी दिने बुझिएको छ । यसैगरी नेपाली कांग्रेसका युवा नेता जगधर यादवले पनि उम्मेदवारी घोषणा गरेका छन् भने अर्का नेपाली कांग्रेसका नेता सुरेन्द्र प्रसाद यादवले उम्मेदवारी घोषणा गरेका हुन् ।
देवानगंज गाउँपालिकाको नेतृत्व सम्हालिसकेका सहदेव मेहताले पुनः सभापति पद दोहो¥याउने मनसाय बनाएका छन् । नेपाली कांग्रेस देवानगंजको सभापति पदमा बसेर कांग्रेसको संगठनलाई बलियो बनाउने काम गरेको हुदाँ पुनः एक पटक अवसर दिनुपर्ने मेहताले अडान लिएका छन् ।
यसैगरी लामो समयदेखी नेपाली कांग्रेसको राजनीतिमा सक्रिय भूमिका खेल्दै आएका युवा नेता जगधर यादव पनि देवानगंज गाउँपालिकाको सभापति पदमा उम्मेदवारी घोषणा गरेकोले सभापति पदमा अवसर प्रदान गरिदिनका लागि सबैसँग आग्रह गरेका छन् ।
जगधर यादवले सुरसेर दैनिकसँगको कुराकानीमा देवानगंज गाउँपालिकाको अधिवेशनमा सभापति पदमा उम्मेदवारी घोषणा गरेकोले सहमतिबाट नेतृत्व आफूलाई दिएर सेवा गर्न मौका दिनुपर्नेमा जोड दिए ।
नेपाली कांग्रेसको संगठनलाई बलियो बनाएर स्थानीय तहको निर्वाचनमा सफल भूमिका खेलेकोले पार्टीको जिम्मेवारी दिनुपर्ने यादवको भनाई छ । कांग्रेसमा इमान्दार भएर काम गरेकोले र संगठनलाई कहिल्यै पनि बदनाम हुने काम नगरेको र काम गर्दा संगठनमाथि कुनै आच आउन नदिएकोले संगठनको जिम्मेवारी एक पटक दिनुपर्नेमा जगधर यादवले जोड दिएका छन् ।
देवानगंज गाउँपालिकाका ७ वटै वडा कार्यसमिति र क्षेत्रिय प्रतिनिधिहरुलाई बधाई तथा शुभकामना दिर्दै यादवले अगामि असोज ९ गते हुने अधिवेशनमा सहयोगको लागि अनुरोध समेत गरेका छन् ।
जनताको सेवा र सहयोगमा समर्पित रहेकोले दुःख र सुखमा सधै सहयोग गरिरहेकोले देवानगंजका जनताको लागि एक पटक सभापति पदमा रहेर सेवा गर्न मौका दिनका लागि ७ वटै वडाका सभापति र एक सय ७६ जना क्षेत्र प्रतिनिधिहरुलाई अनुरोध गर्दै देवानगंजका अग्रज, बुद्धिजिवी, नागरिक समाज, युवावर्गलाई सहयोग गरिदिन सभापति पदका उम्मेदवार यादवले अपिल समेत गरेका छन् ।
सहमति, सहकार्य र एकताबाट आफू अघि बढ्ने यादवले बताउँदै देवानगंजमा कुनै गुट नभएकोले नेपाली कांग्रेसको कार्यकर्ता भएकाले हुदाँ एकजुट भएर नेतृत्व चयन गर्न सबैले भूमिका निर्वाह गर्नुपर्ने उनले बताए ।
देवानगंजमा गलत प्रचारबाजीका कारण गुटउपगुटको नारा लगाएर भ्रम फैलाएकोले त्यप्रति नलाग्न सबैलाई यादवले अनुरोध समेत गरेका छन् । त्यसैगरी देवानगंज गाउँपालिकाको सभापति पदमा सुरेन्द्र प्रसाद यादवले समेत उम्मेदवारी घोषणा गरेका छन् । नेपाली कांग्रेसको १४ औं महाधिवेशन अन्तरगत पालिका स्तरीयको सभापति पदमा लड्नका लागि तयार भएको उनले बताए ।
सुरसेर दैनिकसँगको कुराकानीमा सुरेन्द्र प्रसाद यादवले आफूपनि उम्मेदवार भएकोले अगामी असोज ९ गतेको लागि तयारी सुरु गरेको बताए ।
सहमतिबाट नेतृत्व गर्न सक्ने सम्भावना कतिको भन्ने प्रश्नमा यादवले देवानगंज गाउँपालिकामा सहमति र पहल तथा प्रयास नभएकोले आफनो सभापति पदमा उम्मेदवारी यथावत रहने जिकिर समेत गरे ।
देवानगंज गाउँपालिकामा सहमति भएर नेतृत्व चयन गर्न सुनमा सुगन्ध हुनेछ । तथापी देवानगंज गाउँपालिकाको नेतृत्व चयन गर्न निर्वाचन भयो भने सभापति पदमा जगधर यादव र सुरेन्द्र प्रसाद यादवबीच कडा प्रतिस्पर्धा हुने देवानगंजका कांग्रेसी नेताहरु बताउँछन् ।
