इनरुवा । नेपाली कांग्रेसको १४ औं महाधिवेशन अन्तर्गत आज सुनसरीको १२ वटै स्थानीय तहमा उम्मेदवारहरुले मनोनयन दर्ता गर्ने भएका छन् ।
नेपाली कांग्रेसको जिल्ला निर्वाचन कार्यालय सुनसरीले निर्वाचन तालिका अनुसार सुनसरीको १२ वटै स्थानीय तहमा नेपाली कांग्रेसका बिभिन्न पदका उम्मेदवारहरुले मनोनयन दर्ता गर्ने भएको हो ।
जिल्ला निर्वाचन कार्यालय सुनसरीले प्रकाशन गरेको निर्वाचन कार्यतालिका अनुसार मतदान केन्द्रमा तोकिएका मतदान अधिकृतहरुले कार्य जिम्मेवारी बहन गर्नेछन् ।
असोज ८ गते शुक्रवार मतदाता नामावली प्रकाशन बिहान ८ बजे, मतदाता नामवाली उपर दाविविरोध विहान ८ बजेदेखी ९ः३० बजेसम्म, दाविविरोध उपर छानविन बिहान ९ः३० बजेदेखी १०ः३० बजेसम्म, अन्तिम मतदाता नामावली प्रकाशन बिहान १०ः३० बजेदेखी ११ बजेसम्म, मनोनयन पत्र दर्ता बिहान ११ बजेदेखी दिउँसो १ बजेसम्म, उम्मेदवारको प्रथम नामावली प्रकाशन दिउँसो १ बजेदेखी २ बजेभित्र, उम्मेदवारीको नामावली उपर दावीविरोध दिउँसो २ बजेदेखी ३ बजेसम्म, उम्मेदवारको दोश्रो नामावली प्रकाशन दिउँसो ३ बजेदेखी ४ बजेभित्र, दावीविरोध उपर छानविन दिउँसो ४ बजेदेखी ५ बजेभित्र, उम्मेदवारीले मनोनयन पत्र फिर्ता लिने दिउँसो ५ बजेदेखी ६ बजेसम्म, उम्मेदवारीको अन्तिम नामावली प्रकाशन दिउँसो ६ बजेदेखी बेलुका ७ बजेभित्र निर्वाचन कार्यतालिकामा उल्लेख गरिएको छ ।
यसैबीच इनरुवा निर्वाचन केन्द्रमा देवनरायण यादव, इटहरी निर्वाचन केन्द्रमा सिर्जना नेपाल, धरान निर्वाचन केन्द्रमा भरत शाक्य, बराहक्षेत्र निर्वाचन केन्द्रमा कृष्णप्रसाद गुरागाई, दुहबी निर्वाचन केन्द्रमा सुर्यबहादुर निरौला, कोशी निर्वाचन केन्द्रमा हरेकृष्णप्रसाद राउत, देवानगंज निर्वाचन केन्द्रमा शिवशंकर मेहता, बर्जु निर्वाचन केन्द्रमा दिलिप कुमार सिंह, गढी निर्वाचन केन्द्रमा मोहन कुमार यादव, हरिनगर निर्वाचन केन्द्रमा नजामुद्धिन अन्सारी र रामधुनी निर्वाचन केन्द्रमा यादबहादुर कार्कीलाई मतदान अधिकृतका रुपमा आजदेखी खटाइएको छ । भोक्राहा नरसिंह निर्वाचन केन्द्रमा मतदान अधिकृतको समाचार तयार पारुन्जेलसम्म टुंगो लागेको थिएन ।
