इनरुवा । जनमत पार्टी संघर्ष समिति सुनसरीले इनरुवामा मसाल जुलुुस प्रदर्शन गरेको छ । इनरुवामा मसाल जुलुस प्रदर्शन गर्र्दै बिभिन्न नाराबाजी गर्दै विरोध प्रदर्शन गरेका थिए ।
जनमत पार्टी सुनसरीका नेता तथा कार्यकर्ताहरुले भ्रष्टाचारीलाई जेल दे, जनमत पार्टीका कार्यकर्तालाई रिहा गर, बेमौसमी वर्षाका कारण किसानको धानवालीको मुआब्जा उपलब्ध गर लगायतको नारावाजी गर्दै इनरुवा परिक्रम गर्दै इनरुवाको बसचौकमा कोणसभा परिणत गरेका थिए ।
जनमत पार्टीका नेता तथा कार्यकर्ताहरुलाई रिहा नगरे सम्म शान्तिपूर्ण आन्दोलन गरिरहने जनमत पार्टीका नेताहरुले बताएका छन् । जनमत पार्टीका नेता देवराम यादव मधेशीले जनमत पार्टीका १७ जना नेता तथा कार्यकर्ताहरुलाई धनुषा जिल्ला प्रशासन कार्यालयले रिहा नगरेको कारणले सुनसरीबाट उनीहरुको रिहाको लागि माग गरेको बताए । उनीहरुलाई बिना सर्त रिहा गर्नुपर्ने माग गर्नुपर्ने माग राख्दै सरकारको विरोध गर्दै प्रदर्शन गरेको उनले बताए । जनमत पार्टीको पुर्व घोषित कार्यक्रम अनुसार शुक्रवार मसाल जुलुस मार्फत रिहाको माग गरेको हो ।
जनताराज्य लागु नभए मधेश जनविद्रोहको विगुल फुक्न तयार रहेको नेता मधेशीले कोणसभालाई सम्वोधन गर्दै मधेशमा समानताको अधिकार प्राप्त हुने उनले बताए । जनमत पार्टीका नेता रमानन्द मेहताले मुलुक र समाजमा भ्रष्टाचार हुने क्रम जारी रहेकोले विकास नभएको बताएका छन् ।
भ्रष्टाचारका कारण मुलुकमा विकास नभएको उनले बताउँदै देशमा भ्रष्टाचारी र बलत्कारीलाई जनकार्वाही गर्ने समेत उनले बताए । भ्रष्टाचारी र बलत्कारीलाई कार्वाही हुनुको साट्टो सरकारले संरक्षण गरेको उनको आरोप छ ।
