इनरुवा । बैशाख ३० गते हुने स्थानीय तहको निर्वाचनका लागि इनरुवा नगरपालिका वडा नम्बर २ मा जनता समाजवादी पार्टी नेपालको तर्फबाट वडाध्यक्ष पदका लागि शिवनारायण पंडित उम्मेदवार बनेका छन् । इनरुवा २ का विकास एजेण्डा बोकेर चुनावी मैदानमा होमिएर जनताको घरदैलोमा पुग्ने गरेका वडाध्यक्ष पदका उम्मेदवार पंडितले परिर्वतन गरेर छाड्ने प्रतिवद्धता सहित उम्मेदवार बनेका हुन् ।
इनरुवा नगरपालिकाभित्र बिभिन्न दलबाट उम्मेदवार बनेका मध्ये सबैभन्दा कान्छो वडाध्यक्ष पदका उम्मेदवार पंडितले जसपाबाट इनरुवा २ मा वडाध्यक्ष पदका मनोनयन दर्ता गरेर अहिले जनताको घरदैलोमा चुनावी प्रचार प्रसारलाई तीव्रता दिदैँ आएका छन् ।
नेपाली कांग्रेसका परित्याग गरी केही महिना अघि जनता समाजवादी पार्टीमा प्रवेश गरेका युवा नेता पंडितले जसपाको संगठन विस्तार सक्रियताको आधारमा उनलाई बिश्वास गरेर वडाध्यक्ष पदका लागि उम्मेदवार बनाइएको जसपाका नेताहरु बताउँछन् ।
२०७४ सालमा स्थानीय तहको निर्वाचनबाट निर्वाचित भएका जनप्रतिनिधिहरुले इनरुवा २ मा पाँच वर्षमा विकासमा फड्को मार्न नसकेको कारण आपूm नेपाली कांग्रेस परित्याग गरी जसपामा प्रवेश गरेर टिकट पाएर यस वडामा परिर्वतन गरेर जनताको लोकप्रिय जनप्रतिनिधिको रुपमा चिनाउने उद्देश्यका साथ चुनावी मैदानमा होमिएको वडाध्यक्ष पदका उम्मेदवार पंडितको भनाई छ ।
इनरुवा २ मा अन्य दलबाट वडाध्यक्ष पदका उम्मेदवारी दिएकाहरु मध्ये शिवनारायण पंडित ३० वर्षको उमेरमा नै जसपाबाट टिकट पाएर चुनावी मैदानमा होमिएकोले अहिले उनको चर्चा व्यापक रुपमा भइरहेको छ । सबैभन्दा कान्छो उम्मेदवार भएपनि वडाका जनतालाई विकासको अनुभुति हुने गरी पाँच वर्षमा परिर्वतन गर्ने उद्देश्यका साथ चुनाव प्रचार प्रसारलाई निरन्तरता दिएका हुन् ।
जसपाबाट वडाध्यक्ष पदका उम्मेदवार पंडित एक कुशल नेतृत्वकर्ताको भुमिका निर्वाह गर्दै आएकाले इनरुवा २ बासीलाई रुचाएका समेत छन् । पंडितले सुनसरी क्याम्पस इनरुवाबाट राजनीति शास्त्र र समाजशास्त्रमा स्नातक गरेका कर्मठ योग्य उम्मेदवारका अहिले परिचित छन् । पीजी कलेजबाट समेत राजनीति शास्त्रमा डिग्रीमा अध्ययनरत रहेका पंडित राजनीतिकका सवालमा अनुभव बटुल्दै जनतामाझमा आएकाले बैशाख ३० गते हुने स्थानीय तहको निर्वाचनबाट बिजयी हुने सुनिश्चित भएको समेत जसपाका नेता तथा कार्यकर्ताहरुको बुझाई छ ।
केही समय यतादेखी सामाजिक कार्यमा समेत संलग्न रहेका पंडितले संघीय संरचना आएको दोश्रो पटक हुन गइरहेको स्थानीय तहको निर्वाचनमा जनताको मन जित्दै अहिले घरदैलो अभियानमा व्यस्त रहेका वडाध्यक्ष पदमा उम्मेदवार पंडितले बैशाख ३० गते हुने निर्वाचनमा जसपाको चुनाव चिन्ह छाता छापमा मतदान गरी अत्यधिक मतले बिजयी गराउन समेत मतदाताहरुलाई अपिल गरेका छन् ।
