टोमराज मेहता
हरिनगर । हरिनगर गाउँपालिकामा अध्यक्ष पदका लागि नेपाली कांग्रेसको तर्फबाट प्रत्यासी उम्मेदवार गफार अन्सारीले हिन्दु र मुस्लिम समुदायलाई एक सुत्रमा बाँधेर सामाजिक सदभाव कायम गर्न सफल भएको बताएका छन् । हरिनगर गाउँपालिकामा घरदैलो कार्यक्रममा जनतालाई सम्वोधन गर्दै अध्यक्ष पदका प्रत्यासी उम्मेदवार अन्सारीले सो कुरा बताएका हुन् ।
हरिनगर गाउँपालिकामा गत स्थानीय तहको निर्वाचनमा पनि केही तत्वहरुले हिन्दु र मुस्लिमको द्धन्द्ध सिर्जना गराउने गरी गतिविधिहरुलाई तीव्रता दिएर मेरो विरुद्ध बिभिन्न प्रोपगण्डा अपनाएर चुनाव हराउने अभियान गरेपनि गत चुनावमा जितेर हिन्दु र मुस्लिम समुदायलाई अपहेलना नगरी पाँच वर्षे कार्यकालमा सम्मानजनक व्यवहार गरेर विकासको गतिलाई अगाडी बढाएको उनले बताए ।
नेपाली कांग्रेसको तर्फबाट बलियो उम्मेदवारका रुपमा रहेका अध्यक्ष पदका प्रत्यासी अन्सारीले हरिनगर गाउँपालिकामा कुनै पनि जातिय भेदभाव नरहेको उनले बताउँदै केही तत्वहरुले भोट बटुल्नका लागि मात्र यस पटको निर्वाचनमा पुनः हिन्दु र मुस्लिमबीचको सामाजिक सदभावलाई खलबलाउनका लागि चुनावी प्रचार प्रसारमा सक्रिय भएकाले त्यस्ता तत्वबाट जोगिनका लागि समेत उनले मतदाताहरुलाई आग्रह गरेका छन् ।
पालिकामा हिन्दु र मुस्लिमलाई एक सुत्रमा बाँधेर पाँच वर्षे कार्यकाल सफल भएको र कुनै पनि जातलाई बिभेद नगरेको समेत उनले दावी गरे । हरिनगर गाउँपालिकामा पाँच वर्षमा गत चुनावमा लगाइएको नारा झै कुनै पनि कार्य नभएकोले पुनः त्यही नाराहरु लगाएर आप्mनो पक्षमा केही तत्वहरुले भोट लिनका लागि सलबलाएकोले समयमै सर्तक रहन समेत उनले मतदाताहरुलाई आग्रह गरे ।
हिन्दु र मुस्लिम समुदायको रक्षाका लागि सदैव कठिवद्ध रहेकाले आपूm हिन्दु विरोधी नभएको उनले प्रष्ट पारेका छन् । पाँच वर्षे कार्यकालमा हिन्दु समुदायको संरक्षण र सम्वद्र्धन गर्दै आएको समेत उनको भनाई छ । हिन्दु धर्मलाई पालिकामा रक्षा गर्नका लागि मन्दिरहरु भत्काउनुको साट्टो हरिनगर बजार र रामनगर भुटाहामा ठूलो मन्दिर निर्माणका लागि पालिकाबाट बजेट बिनियोजन गरेको सो मन्दिरहरु निर्माणाधिन रहेकोले समेत आपूm हिन्दु समुदायप्रति कुनै गलत मनसाय नरहेको समेत पुष्टि गरेको निवर्तमान अध्यक्ष अन्सारीले बताएका छन् ।
हिन्दु र मुस्लिम बीचको सहिष्णुतालाई कायम गर्न मेरो प्रमुख जिम्मेवारी भएकाले आगामी दिनमा समेत हिन्दु समुदाय माथि कुनै ठेस नलाग्ने गरी आफ्नो कार्यकाल पुनः सफल गर्ने अध्यक्ष पदका प्रत्यासी उम्मेदवार अन्सारीले ठोकुवा गरे ।
हिन्दु र मुस्लिम समुदायबीच कुनै द्वन्द्व सिर्जना नहुने र भाइचार तथा बन्धुत्वको भावनालाई कायम गराउने जिम्मेवारी काँधमा रहेकाले हिन्दु समुदायले कुनै संकोच नमानी आफ्नो टिमलाई बिजयी बनाउन आह्वान गर्दै उनले हरिनगरलाई हराभरा र समृद्ध हरिनगर बनाउने गरी कामलाई निरन्तरता दिने प्रतिवद्धता समेत उनले व्यक्त गरे ।
बैशाख ३० गते हुन गइरहेको स्थानीय तहको निर्वाचनमा नेपाली कांग्रेसको तर्फबाट हरिनगर गाउँपालिकाको अध्यक्ष पदका लागि पुनः उम्मेदवार बनेकोले कांग्रेसको चुनाव चिन्ह रुख छापमा मतदान गरी सम्पुर्ण टिमलाई बिजयी बनाउन समेत हरिनगरबासीसँँँग उनले अनुरोध गरेका छन् ।
