नायक ऋतिक रोशनले चलचित्र ‘वार’ पछि नयाँ चलचित्र साइन गरेका छैनन् । गतबर्षको सर्वाधिक कमाई गर्न सफल चलचित्र ‘वार’का नायक रोशनलाई दर्शकले फेरि पनि एक्सन अवतारमै हेर्न चाहिरहेका छन् । तर, अब भने दर्शकको चाहना पुरा हुने भएको छ ।
चलचित्र ‘वार’का निर्देशक सिद्धार्थ आनन्दले ऋतिकको साथमा चलचित्र ‘फाइटर’ बनाउने पक्का भएको छ । यो चलचित्रमा नायक ऋतिक रोशनसँग नायिका दीपिका पादुकोणले काम गर्ने पनि पक्का भएको भारतीय मिडियाले उल्लेख गरेका छन् ।
मिडियामा दीपिका र ऋतिकले काम गर्न लागेको चर्चा चलेको त लामो समय भैसकेको छ । तर, अब भने दीपिका र ऋतिकलाई एकसाथ एक्सन अवतारमा यो चलचित्रमा हेर्न पाइनेछ ।
यो चलचित्रको छायांकन डिसेम्बर महिनाबाट सुरु हुनेछ । बलिउड पण्डितहरुले ऋतिक र दीपिकाको जोडी एकसाथ देखिन लाग्नुलाई उत्साहजनक कुरा भनेका छन् ।
