इनरुवा । सुनसरीको इनरुवा नगरपालिका–२ का कांग्रेसका नेता लक्ष्मी मेहताको असमायिक निधन भएको छ । इनरुवा–२ का लक्ष्मी मेहताको निधनले सुनसरी कांग्रेस स्तब्ध भएको छ ।
इनरुवा नगरपालिका–२ का मेहता समाजसेवी तथा सुनसरी कांग्रेसका नेता समेत रहेकाले उनको असमायिक निधनप्रति कांग्रेसले दुःख व्यक्त गर्दै होनहार नेता गुमाएको महसुस गरेका छन् ।
कांग्रेसप्रति आस्ता राख्ने र कांग्रेसको संगठनलाई बलियो बनाउन भूमिका खेल्ने मेहताको असमायिक निधन भएपछि कांग्रेस मर्माहित भएको छ । इनरुवाका नेता मेहताको निधन भएपछि कांग्रेसले एक होनहार नेता गुमाएको ठहर गरेको छ ।
सुनसरी खोलामा उनको हिन्दु परम्परा अनुसार अन्त्येष्टि गरिएको पारिवारिक श्रोतले जनाएको छ । अन्त्येष्टि कार्यक्रममा नेपाली कांग्रेस सुनसरीका सभापति एवं प्रदेश नम्बर–१ का संसदीय दलका नेताले कांग्रेसको झण्डा फहराएर उनको आत्माको शिरशान्तिको कामना समेत गरेका थिए । उनको अन्त्येष्टि कार्यक्रममा सयौंको सहभागिता रहेको थियो ।
