इनरुवा,। सुनसरीकाे कोशी गाँउपालिका-८ स्थित लागूऔषध ब्राउन सुगरसहित २ जना पक्राउ परेको छ।
भण्टाबारीकाे चारकुने चेकप्वाईण्टबाट सशस्त्र प्रहरी बल नेपाल प्रस्तावित सीमा सुरक्षा गुल्म हरिपुर सुनसरीबाट सप्रसनि रुद्र प्रसाद बजगाँईको कमाण्डमा खटिएको टोलीले भारतबाट नेपालतर्फ पैदल आँउदै गरेका २ जना व्यक्तिहरुलाई शंका लागी चेकजाँच गर्दा लागूऔषध ब्राउन फेला पर्दा नियन्त्रणमा लिएको हाे।
पक्राउ पर्नमा जिल्ला सप्तरी राजबिराज नगरपालिका वडा.नं.६ बस्ने अन्दाजी बर्ष १९ को मोहम्मद खुर्शिदको साथबाट कालो प्लास्टिकले पोको पारी शरिरमा लुकाई छिपाई राखेको अबस्थामा लागुऔषध ब्राउनसुगर जस्तो देखीने खैरो पदार्थ ५३० मिली ग्रामफेला परेको हुँदा साथै भारतको जिल्ला सुपौल भिमनगर ग्राम पंचायत ११ बस्ने बर्ष २० को नबि हुसेनसँगै आएकोले निजहरुलाई नियन्त्रणमा लिएर आवश्यक कार्वाही लागि ईलाका प्रहरी कार्यालय भाण्टाबारीलाई वुझाएकाे सशस्त्र प्रहरी ४ नम्बर गण सुनसरीले जानकारी दिएको छ।
