इनरुवा । इनरूवा नगरपालिकाका प्रवक्तासमेत रहेका ६ नम्बर वडाका वडाअध्यक्ष सुमन थापालाई सवारी दुर्घटना समबन्धी घटनामा क्षतिपूर्ति नदिएको अभियाेगमा जिल्ला प्रशासन कार्यालय सुनसरीमा मुद्वा दर्ता हुने भएको छ ।
सुनसरी जिल्ला अदालत इनरूवाबाट सवारी अङ्गभङ्ग मुद्दामा २ लाख घराैटी बुझाएपछि इलाका प्रहरी कार्यालय पकलीबाट ११ दिनपछि रिहा भएका वडाअध्यक्ष थापालाई जिल्ला सरकारी वकिलकाे कार्यालय सुनसरीले क्षतिपूर्ति समबन्धी मुद्दामा सुनसरी प्रशासनमा पेश गर्न लागेको हाे ।
सुनसरी प्रशासनमा हाजिर गराएपछि थापाको बयान लिएपछि प्रमुख जिल्ला अधिकारीकाे इजलासले सादा तारेखमा छाडने वा धराैटीमा छाडने भन्ने आदेश दिने कानुनी व्यवस्था रहेको छ ।
सरकारी वकिलकाे कार्यालय सुनसरीले थापालाई प्रशासन कार्यालय मा बुझाउन आजै मिसिल फायल पेश गर्ने स्रोतले जनाएको छ ।
२०८१ फागुन २२ गते रामधुनी नगरपालिकामा थापाले चलाएको निजि सवारीसाधनले माेटरसाइकलमा ठक्कर दिदा माेटरसाइकलमा सवार एक महिला गम्भीर घाइते भएकि थिइन ।
घटनास्थलबाट सवारीसाधनसहित भागि बेपत्ता भएका थापालाई उच्च अलालत बिराटनगरले २०८२ साउन १६ गते मुद्वा दर्ता गर्न सुनसरी प्रहरीलाई निर्देशनात्मक आदेश दिएपछि सुनसरी जिल्ला अदालतबाट साउन २१ गते पक्राउ पुर्जी जारी भएको थियाे ।
