मुस्ताक आलम
लौकही । सुनसरीको कोशी गाउँपालीकामा तेस्रो अध्यक्ष कप फुटबल प्रतियोगिता सुरु भएको छ । कोशी गाउँपालीकाको सहयोगमा मिल्लत स्पोर्टिङ फुटबल क्लब कोशी गाउँपालीका ५ कुम्याहीको आयोजनामा आइतबारबाट तेस्रो अध्यक्ष फुटबल प्रतियोगिता सुरु भएको हो ।
उक्त फुटबल प्रतियोगिताको एक कार्यक्रमका बीच कोशी गाउँपालीकाका अध्यक्ष ऐयुब अन्सारीले उद्घाटन गरेका थिए । विभिन्न १२ वटा टोलिको सहभागिता रहेकोे सो फुटबल प्रतियोगिताको फाइनल खेल आगामी ३० गते हुने मिल्लत स्पोर्टिङ फुटबल क्लबका अध्यक्ष मेमुल हकले जानकारी दिए ।
फुटबल प्रतियोगिता उद्घघाटन गर्दै गाउँपालिका अध्यक्ष अन्सारीले स्थानीयस्तरबाट दक्ष खेलाडी उत्पादन गर्न खेलकुद प्रतियोगिता अपरिहार्य भएको बताए । कोशी गाउँपालिका क्षेत्रमा विगतमा जस्तै खेलकुद प्रतियोगितालाई आगामि दिनमा समेत निरन्तरता दिने उनको भनाइ छ ।
उद्घाटन कार्यक्रममा कोशी गाउँपालीका ५ का वडाध्यक्ष शाह जमाल, सदानन्द मण्डल, धर्मेन्द्र विश्वास, समशाद अन्सारी, श्यामकिशोर मण्डल,वासिक अलि, सशस्त्र प्रहरी बल नेपाल बिओपी श्रीपुरका इन्स्पेक्टर पूर्ण दाहाल, प्रहरी चौकी श्रीपुरका प्रहरी इन्चार्ज टेक बहादुर थापा, ५ नम्बर वडा सदस्य कम्लेशवरी यादव ताहिर मिया,सफिक आलम,नुरुल हक लगायतको उपस्थिति रहेको थियो भने आज रामधुनी युवा क्ल्ब र शान्ति युवा कल्ब इटहरीको बिच प्रतिस्पर्धा हुने आयोजकले जनाएको छ ।
राजावास युवा क्लव र केराबारी युवा क्लवबीच प्रतिस्पर्धा भएको थियो । राजावास युवा क्लवले केराबारी युवालाई ३ गोल दिएर विजयी भएका थिए भने केरावारीले राजावासलाई १ गोल दिएको आयोजकले जनाएको छ ।
