अजमल अन्सारी
इनरुवा। फरवार्ड माइक्रोफाइनान्स लघुवित्त वित्तीय संस्थाले जिल्ला अस्पताल इनरुवाको कोभिड अस्पताललाई चार थान अक्सिजन सिलिण्डर उपलब्ध गराएको छ ।
कोरोना महामारीसँग जुधिरहेको विरामीको उपचारमा सहयोग पुगोस भन्ने उद्देश्यले फरवार्ड माइक्रोफाइनान्सकी अध्यक्ष भगवती चौधरीले जिल्ला अस्पताल इनरुवालाई ४७ लिटर अट्ने गरि जम्मा ४ थान ठूलो अक्सिजन सिलिण्डर अस्पताल प्रशासन प्रमुख लोकेन्द्र आचार्यलाई हस्तान्तरण गरेकी छिन् ।
देशभर अक्सिजनको हाहाकार हुँदा कोरोना कतिपय अवस्थामा कोरोना संक्रमितको ज्यान समेत गएको अवस्थामा निजी क्षेत्रको वित्तीय संस्थाले सामाजिक उत्तरदायीत्व अन्तरगत स्वास्थ्य संस्थालाई सहयोग गरेको संस्थाकी अध्यक्ष भगवती चौधरीले बताईन् ।
फरवार्ड माइक्रोफाइनान्सकी अध्यक्ष भगवती चौधरीले विश्वव्यापी कोभिड–१९ को महामारीबाट मुलुकलाई बचाउन सरकार र निजी क्षेत्रले हातेमालो गर्नुपर्ने बताइन् । कुनैपनि महामारी निर्मूल पार्न राज्य एक्लैले नसक्ने बताउँदै नेकपा एमाले सुनसरी इन्चार्ज समेत रहेकी नेतृ चौधरीले कोभिडको महामारीमा सबैले आ–आफ्नो ठाउँबाट सहयोग गरे नागरिकको ज्यान बचाउन ठूलो सहयोग हुने बताईन् ।
‘हामी सबैले आ–आफ्नो क्षेत्रबाट सक्दो सहयोग गरौं उनले भनिन्। यो बेला मानवीय रुपमा पनि एकले अर्कालाई सहयोगको भावनासबैले दुःखको घडीमा भूमिका खेल्न आवश्यक रहेको उनले बताईन् ।
फरवार्ड माइक्रोफाइनान्सकी अध्यक्ष चौधरीले यस अघि विपि प्रतिष्ठान धरानलाई ५० थान, कोशी प्रादेशिक अस्पताललाई ९ थान अक्सिजन सिलिण्डर हस्तान्तरण गरिसकेकी छिन् ।
सुनसरीका सशस्त्र प्रहरीहरुको लागि सुरक्षा सामाग्री हस्तान्तरण
कोरोना भाइरसको दोस्रो लहरको बेला भोक तिर्खा निन्द्रा केही नभनिकन फ्रन्ट लाईनमा रहेर जोखिम उठाउदै सिमा क्षेत्र लगायत विभिन्न ठाउँमा अहोरात्र जनताका सेवामा खटिरहेको सशस्त्र प्रहरीहरुको लागि भन्दै फरवार्डकी अध्यक्ष भगवती चौधरीले सशस्त्र प्रहरी बल सुनसरीका जिल्ला प्रमुख एसपी माधव प्रसाद पौडेललाई छ हजार थान माक्स र तीस लिटर सेनिटाईजर हस्तान्तरण समेत गरिएको बताईन् ।
कोरोना संक्रमणका कारण सिंगो देश लकडाउनमा रहेका वखत सरकारको आवश्यक नीती र निर्देशन अनुसार विरामीको उपचारमा खट्ने स्वास्थ्यकर्मी,सुरक्षामा खटिने प्रहरी र जनतालाई सूसूचित गर्न क्रियाशिल संचारकर्मीको स्वास्थ्य जोखिम घटाउन यस प्रकारका सामानहरु वितरण गर्न नेतृ चौधरीको अहम भूमिका रहेको छ ।
