नायिका बेनिशा हमाल नयाँ चलचित्र ‘भाँडाकुटी’मा काम गर्ने तयारीमा छिन् ।
फागुणबाट यो चलचित्रको छायांकन सुरु हुनेछ ।
नायिका हमाल उनको पछिल्लो रिलिज चलचित्र ‘घर’मा काम गरेपछि मुम्बई
हानिइन् । मुम्बइमा पुगेर फिल्म मेकिङ पढिरहेकी बेनिशा भारतमा कोरोना संक्रमितको संख्या बढेपछि नेपाल आएकी थिइन् ।
उनै, बेनिशाले आफूलाई लकडाउनको समयमा आधा दर्जन चलचित्रको अफर
आएको सुनाइन् । बेनिशा भन्छिन्–‘मलाई लकडाउनको समयमा आधा दर्जन चलचित्रबाट अफर
आएको थियो ।
मैले स्क्रिप्ट पढिरहेको थिएँ । भाँडाकुटीको कथा मन परेपछि काम गर्न
तयार भएकी हुँ । बेनिशाले आफैलाई सेल्फ कन्ट्रोल गर्न फिल्म मेकिङ पढ्न थालेको पनि बताएकी छिन् ।
बेनिशाले यो समयमा नपढ्ने हो भने पछि पछुताउने भन्दै डेढ बर्ष कुनै
प्रोजेक्टमा काम नगर्ने सोच बनाएरै मुम्बई गएको बताइन् ।
बेनिशा चलचित्र निर्माण, निर्देशन, लेखन पढिरहेकी छिन् ।
चलचित्र ‘ब्लाइन्ड रक्स’बाट ‘राष्ट्रिय चलचित्र पुरस्कार’ समेत जितेकी
बेनिशाको नाममा बक्स अफिसमा चलचित्र चलेका भने छैनन् ।
