आइपीएल : मुम्बई फाइनलमा, दिल्लीलाई अर्को मौका

काठमाडौं । साविक विजेता मुम्बई इन्डियन्स इन्डियन प्रिमियर लिग

(आईपीएल) टी-२० क्रिकेट २०२० को फाइनलमा प्रवेश गरेको छ ।

बिहीबार भएको पहिलो क्वालिफायरमा दिल्ली कयापिटल्सलाई ५७ रन अन्तरले
पराजित गर्दै मुम्बई उपाधि नजिक पुगेको हो ।

दिल्लीले दिएको २०१ रनको लक्ष्य पछ्याएको दिल्लीले निर्धारित २० ओभरमा ८ विकेट गुमाएर १४३ रन मात्र बनाउन सक्यो । मुम्बई अब लगातार दोस्रो पटक उपाधि जित्नबाट एक जित मात्र टाढा छ ।

उता क्वालिफायरमा पराजित भएपनि दिल्लीले भने फाइनल पुग्ने अर्को अवसर पाउनेछ ।

शुक्रबार हुने सनराइजर्स हैदरावाद र रोएल च्यालेन्जर्स बैंगलोरबीचको एलिमिनेटर खेलको विजेतासँग दिल्लीले फाइनल प्रवेशका लागि दोस्रो क्वालिफायर खेल्नेछ ।

सर्वाधिक चार पटकको च्याम्पियन मुम्बई फाइनल पुगेको यो छैटौं पटक हो ।
सन् २०१० मा पहिलो पटक फाइनल पुग्दा चेन्नाई सुपर किंग्ससंग पराजित भएको
मुम्बईले २०१३ मा पहिलो पटक उपाधि जितेको थियो ।

यस्तै २०१५, २०१७ र २०१९ मा पनि मुम्बई च्याम्पियन बनेको थियो ।

लिगमा पहिलो भएको मुम्बई र दोस्रो भएको दिल्लीबीच क्वालिफायर खेल प्रतिस्पर्धात्मक हुने अपेक्षा रहेपनि खेल एकपक्षीय जस्तै रह्यो ।

दुबईमा टस हारेर पहिले ब्याटिङ गरेको मुम्बईले सूर्य कुमार यादव र इशन किसनको अर्धशतक तथा हार्दिक पाण्ड्याको आक्रामक ब्याटिङ मद्दतमा २० ओभरमा ६ विकेट गुमाएर २०० रन बनाएको थियो ।

दोस्रो ओभरको तेस्रो बलमै कप्तान रोहित शर्मा खाता नखोली आउट भएपनि अर्का ओपनर क्विन्टन डि कक र सूर्य कुमार यादवले मुम्बईलाई राम्रो सुरुवात दिलाए ।

रोहितलाई रविचन्द्र आश्विनले एलबीडब्लु गरे । डि कक र यूर्य कुमारले दोस्रो विकेटका लागि ६२ रनको साझेदारी गरे ।

२५ बलमा ५ चौका र १ छक्का सहित ४० रन बनाएपछि डि कक आठौं ओभरको चौथो बलमा रविचन्द्रन आश्विनको बलमा शिखर धवनद्वारा क्याचआउट भए ।

सूर्यकुमार अर्धशतक बनाएर १२औं ओभरमा आउट भए । ३८ बल खेलेका उनले
६ चौका र २ छक्काको मद्दतमा ५१ रन बनाए । त्यसपछि क्रिजमा पुगेका काइरन
पोलार्ड २ बल खेल्दै शुन्यमा आउट भए भने क्रुनल पाण्ड्याले १० बलमा १३ रन जोडे ।

सातौं नम्बरमा ब्याटिङ गरेका हार्दिक पाण्ड्या र इशान किसनले इनिङ्सको
अन्त्यतिर शानदार ब्याटिङ गर्दा मुम्बईले विशाल लक्ष्य खडा गरेको हो ।

यी दुईले सातौं विकेटका लागि २३ बलमै ६० रनको साझेदारी गरे ।

किसनले ३० बल खेल्दै ४ चौका र ३ छक्काको मद्दतमा अविजित रहँदै ५५ रन जोडे ।

उनले अन्तिम बलमा छक्का प्रहार गर्दै अर्धशतक पूरा गरेका थिए । हार्दिकले १४
बल खेल्दै अविजित ३७ रन जोडे । त्यस क्रममा उनले ५ छक्का प्रहार गरे ।

दिल्लीका लागि आश्विनले ४ ओभरमा २९ रन खर्चेर ३ विकेट लिए भने फास्ट बलरहरुले राम्रो गर्न सकेनन् । ड्यानिएल साम्स ४ ओभरमा ४४ रन खर्चेर विकेटविहीन रहे ।

कागिसो रबाडाले पनि ४ ओभरमा ४२ रन खर्चे भने विकेट लिन सकेनन् ।

अर्का बलर एनरिक नोर्कियले ४ ओभरमा ५० रन खर्चेर १ विकेट लिए । यस्तै मार्कुस स्टोइनिसले १ ओभर बलिङ गर्दा ५ रन खर्चेर १ विकेट लिए ।

२०१ रनको लक्ष्य पछ्याएको दिल्लीले खराब सुरुवात गर्यो । दिल्लीका लागि मार्कुस स्टोइनिङले अर्धशतक बनाए भने अक्क्षर पटेलले ४२ रन जोडे ।

कागिसो रबाडाले अविजित १५ रन बनाउँदा कप्तन श्रेयास अयेरले १२ रन जोडे ।

दिल्लीको इनिङ्स ध्वस्त पार्ने क्रममा मुम्बईका जसप्रित बुमराह एक्लैले ४ विकेट लिए । ट्रेन्ट बोल्टले पहिलो ओभरमै दुई विकेट लिँदै मुम्बईलाई शानदार सुरुवात दिलाए । दिल्लीले पहिलो रन जोड्न १०औं बल कुर्नुपरेको थियो ।

जतिबेला टप अर्डरको ३ विकेट गुमाइसकेको थियो । बोल्टले पहिलो ओभरमा
ओपनर पृथ्वी श र अजिन्का रहानेलाई आउट गरे । दोस्रो ओभरमा जसप्रित
बुमराहले अर्का ओपनर शिखर धवनलाई आउट गरे ।

त्यसपछि कप्तान श्रेयस अय्यर र मार्कुस स्टोइनिसले इनिङ्स सम्हाल्ने प्रयास
गरेका थिए । तर अय्यर पनि १२ रन बनाएर चौथो ओभरको पाँचौ बलमा
बुमराहलको बलमा रोहित शर्माद्वरा क्याचआउट भए ।

आठौं ओभरको पाँचौ बलमा दिल्लीले पाँचौ विकेटको रुपमा ऋषभ पन्तको
विकेट गुमायो । दिल्लीले ४१ रनमा ५ विकेट गुमाएपछि स्टोइनिसले अक्क्षर
पटेलसँग छैटौं विकेटको लागि अर्धशतकिय साझेदारी गरे ।

दुई खेलाडीले ७१ रनको साझेदारी गर्दा दिल्लीको इनिङ्स केही सम्हालिएको
थियो । तर १६औं ओभरको पहिलो बलमा बुमराहले स्टोइनिसलाई बोल्ड गर्दै
साझेदारी तोडे । स्टोइनिसले ४६ बल खेल्दै ६ चौका र ३ छक्का मद्दतमा ६५
रन बनाए ।

१६औं ओभरको तेस्रो बलमा बुमराहले ड्यानिएल साम्सलाई विकेटकिपर डे
ककबाट क्याचआउट गराए । १६औं ओभरमा बुमराहले कुने रन नदिई २
विकेट लिए । अन्तिम ओभरमा पोलार्डले दिल्लीका अक्क्षर पटेलको विकेट लिए । पटेलले ३३ बल खेल्दै २ चौका र ३ छक्काको मद्दतमा ४२ रन जोडे ।

मुम्बईका लागि बुमराहले ४ ओभरमा १ मेडन राख्दै १४ रन मात्रै खर्चेर ४ विकेट लिए । यस्तै बोल्टले २ ओभरमा १ मेडन राख्दै ९ रन खर्चेर २ विकेट लिए । क्रुनल पाण्ड्याले ४ ओभरमा २२ रन खर्चेर १ विकेट लिए ।

Related Posts

प्रथम मदन भण्डारी स्मृति अन्र्तराष्ट्रिय कुस्ती दंगल प्रतियोगिता आज पनि जारी

इनरुवा । नेपाल निजामति कर्मचारी संगठन जिल्ला कार्यसमिति सुनसरीको आयोजनामा तीन दिने प्रथम मदन भण्डारी स्मृति अन्र्तराष्ट्रिय कुस्ती दंगल प्रतियोगिता...

प्रेस युनियनले द योङ ब्रदर्सलाई ५-२ गोल अन्तरले हरायो

इटहरी । नेपाल  प्रेस युनियन सुनसरी शाखाले द योङ ब्रदर्स क्लबलाई ५-२ गोल अन्तरले पराजित गरेको छ । शुक्रवार भएको...

Next Post

Leave a Reply

Your email address will not be published. Required fields are marked *

ताजा समाचार

आज साउन को पहिलो सोमबार देशभरका शिवालयहरुमा श्रद्धालुको घुइँचो

इनरुवा । साउन महिनाका प्रत्येक सोमबार व्रत बस्ने र शिव मन्दिरहरुमा दूध र जल चढाई पूजा गर्ने गरिन्छ । यसरी...

Welcome Back!

Login to your account below

Create New Account!

Fill the forms bellow to register

Retrieve your password

Please enter your username or email address to reset your password.