नायिका केकी अधिकारीले चलचित्र ‘कोहलपुर एक्सप्रेस’पछि नयाँ चलचित्र
बनाउने तयारी गरेकी छिन् ।
हाल, चलचित्रको लागि वर्कशप चलिरहेको केकीले अनलाइनखबरसँग जानकारी दिइन् । केकीले भनिन् ‘चलचित्रको पूर्व तयारी चलिरहेको छ । यसैले, अहिले नै कलाकारको बिषयमा भन्न गाह्रो छ ।’
केकीले चलचित्रमा ‘कोहलपुर एक्सप्रेस’का निर्देशक विशाल भण्डारी भने निर्देशकको रुपमा नरहने बताइन् । विशालले ‘केमडी च्याम्पियन्स २’को तयारी गर्नुपर्ने भएकाले उनले यसपटक चलचित्र निर्देशन नगर्ने केकीको भनाई छ ।
केकीले भनिन्-‘मैले पहिलो चलचित्र कमेडी कथामा निर्माण गरेकी थिएँ । यसपटक भने सामाजिक कथामा चलचित्र बनाउँदैछु । यसैले पनि यसको पूर्व तयारीका लागि केही समय लिनुपर्नेछ । वर्कशप सुरु भएको १ महिना भयो । अझै २ महिना वर्कशप नै हुनेछ ।’
केकीले चलचित्रको सम्पूणर् टिमको जानकारी केही समयपछि दिने बताइन् । केकीका अनुसार, फागुणबाट चलचित्रको छायांकन सुरु गर्ने तयारी गरिएको छ ।
