काठमाडौँ । युभेन्टस कोपा इटालियाको फाइनलमा पुगेको छ । गएराती भएको सेमिफाइनलको दोस्रो लिगमा इन्टर मिलानसँग गोलरहित बराबरीमा रोकिएपछि युभेन्टस पहिलो लिगको २-१ को अग्रताको आधारमा प्रतियोगिताको फाइनलमा पुगेको हो ।
दोस्रो लिगमा दुवै टिम गोल गर्न असफल भएपछि खेल ०-० को बराबरीमा सकिएको थियो ।यस अघि सम्पन्न पहिलो लिगमा युभेन्टस २(१ ले विजयी भएको थियो ।
अब युभेन्टस कोपा इटालियाको फाइनलमा नापोली या एटलान्टाविरुद्ध खेल्ने छ । पहिलो लिगमा गोलरहित बराबरीमा रहेका नापोली र एटलान्टा दोस्रो लिगको खेल आजराती खेल्दै छन् । कोपा इटालियाको फाइनल खेल भने आगामी मे १९ मा हुने छ ।
