हरिनगर । सुनसरीको हरिनगर गाउँपालिका शिक्षा, युवा तथा खेलकुद शाखाले हरिनगर गाउँपालिका राष्ट्रपति रनिङ्ग सिल्ड तथा अध्यक्ष कप खेलकुद सप्ताह सुरु भएको छ ।
हरिनगर गाउँपालिकाका अध्यक्ष गफार अन्सारी मियाँ, उपाध्यक्ष रिमझिम कुमारी भगत, प्रमुख प्रशासकीय अधिकृत भक्त बहादुर खड्काले संयुक्त रुपमा रिबन काटेर खेलकुद सप्ताह कार्यक्रम सुरु भएको छ ।
सिताराम अधारभूत विद्यालय हरिनगर देखी हरिनगर माध्यमिक विद्यालय हरिनगर–४ सम्म ४० वर्ष माथिका व्यक्तिहरुले दौड प्रतियोगितामा भाग लिएका थिए । बुधवारदेखी सुरु भएको हरिनगर गाउँपालिका राष्ट्रपति रनिङ्ग सिल्ड तथा अध्यक्ष कप खेलकुद सप्ताह चैत २२ गतेसम्म बिभिन्न खेलकुद प्रतियोगिता सञ्चालन हुने शिक्षा शाखाका अजित कुमार मल्लिकले बताए ।
हरिनगर गाउँपालिकाका अध्यक्ष गफार अन्सारीले उद्घाटन समारोहलाई सम्वोधन गर्दै प्रत्यके वर्षझैं यस वर्षपनि हरिनगर गाउँपालिका राष्ट्रपति रनिङ्ग सिल्ड तथा अध्यक्ष कप खेलकुद सप्ताहलाई निरन्तरता दिएको बताए । बालबालिकाहरुलाई खेलकुद माफर्त पनि विकास गर्न आवश्यक रहेकोले बिभिन्न खेलकुद मार्फत गाउँपालिकालाई चिनाउन खोजेको उनले बताए ।
हरिनगर गाउँपालिकाका प्रमुख प्रशासकीय अधिकृत भक्तबहादुर खड्काले हरिनगर गाउँपालिका राष्ट्रपति रनिङ्ग सिल्ड तथा अध्यक्ष कप खेलकुद सप्ताहले बालबालिकाको सर्वाङ्गिण विकासमा मदत पुग्ने बताए । सप्ताह कार्यक्रमले बालबालिकाको शारीरिक विकास सँगै खेलाडी उत्पादन गरी राष्ट्रिय र अन्तरराष्ट्रिय जगतमा चिनाउन आवश्यक रहेको उनले बताए । एक हप्तासम्म हुने खेलकुद प्रतियोगिताले गाउँपालिकाको पहिचान बनाउन सजिलो हुने र ग्रामिण क्षेत्रका बालबालिकाहरुको प्रतिभा प्रस्फुटन गर्न सहयोग पुग्ने अधिकृत खड्काको भनाई छ ।
कार्यक्रममा हरिनगर गाउँपालिकाकी उपाध्यक्ष रिमझिम कुमारी भगत, प्रशासन अधिकृत सुजन ढुङ्गेल, शिक्षा अधिकृत गुणराज ढकाल, कार्यपालिका सदस्य सुशिल कुमार ठाकुर, हरिनगर गाउँपालिका नेपाली कांग्रेसका सभापति शिवहरी श्रेष्ठ, शिक्षक सत्यनारायण मेहता, रघुनन्दन मेहता, रामसागर साह लगायतको सहभागिता रहेको थियो ।
