आज श्रीकृष्ण जन्माष्टमी पर्व । देशभर भगवान् श्रीकृष्णको पूजा–आराधना गरी मनाइँदै छ । आजको दिन देशभरका कृष्ण मन्दिरमा पूजा–आराधना, प्रवचन, भजनकीर्तनका साथै व्रत बसी रातभर जाग्राम बस्ने प्रचलन छ ।
बाह्रै महिना सुनिने कृष्ण भजनहरु श्रीकृष्ण जन्माष्टमीका अवसरमा अझ बढी बज्छ । आजको दिन कृष्ण मन्दिरहरुमा कृष्ण भजन निकै गुञ्जिने गर्छ ।
ती कृष्ण भजनहरु स्रोता एवं दर्शकले निकै रुचाएको पाइन्छ । जस्तो की ‘धुन बज्यो धुन बज्यो’, ‘आउन कृष्ण बस न हाम्रो मनैमा’, ‘हे कृष्ण आइदेउन छम्म छम्म नाचेर’, ‘कृष्ण काले नक्कले’ ईत्यादी । यी कृष्ण भजन निकै रुचाईएका छन् ।
धुन बज्यो धुन बज्यो
यो कृष्ण भजन युट्युबमा खोज्ने हो भने, यसका आधा दर्जनभन्दा बढी भिडियोहरु भेटिन्छन् ।
१० वर्षअगाडि ‘मदन कुमार भट्टराई’ नामको युट्युबमा सार्वजनिक गीतलाई ४३ लाख ४२ हजार भ्यूज छ । त्यस्तै, ७ वर्ष अगाडि ‘एसआरडी भक्ती’ नामक युट्युबमा सार्वजनिक यहि गीतलाई २२ लाख ४७ हजार बढी पटक हेरिएको छ । ७ वर्ष अगाडि नै ‘नेपाली भजनमाला’ नामक युट्युबमा सार्वजनिक यहि गीतको भ्यूज १७ लाख ८० हजार छ । अन्य थुप्रै युट्युब च्यानलमा यो गीत सार्वजनिक गरिएको छ ।
२ वर्षअगाडि ‘राजु अधिकारी भजन’ नामक युट्युब च्यानलमा भिडियोसहित यो कृष्ण भजन सार्वजनिक छ । सो भिडियोलाई १२ लाख ७१ हजार बढी पटक हेरिएको छ ।
श्रोत ः अनलाइनखबर
